არგენტინის ყოფილი პრეზიდენტი გარდაიცვალა

არგენტინის ყოფილი პრეზიდენტი კარლოს საულ მენემი 90 წლის ასაკში გარდაიცვალა.

ადგილობრივი მედიის ცნობით,  გასული წლის დეკემბრის დასაწყისში, მენემი საშარდე სისტემის ინფექციით სასწრაფოდ საავადმყოფოში მოათავსეს და მას შემდეგ მკურნალობის კურსს დედაქალაქ, ბუენოს აირესში გადიოდა.

კარლოს მენემი არგენტინის პრეზიდენტის თანამდებობას 1989-1999 წლებში იკავებდა.

ცნობისათვის, მენემის სირიული წარმოშობის გამო მეტსახელად „El Turco“ უწოდებენ, რაც  ესპანურად „თურქს“ ნიშნავს. იგი იყო მეორე პრეზიდენტი, რომელიც ქვეყანას მართავდა 1983 წელს არგენტინაში დემოკრატიის აღდგენის შემდეგ.