ახალი ტიპის კორონავირუსისგან გამოჯანმრთელებულთა რაოდენობამ მილიონ 242 ათასს გადააჭარბა

ახალი ტიპის კორონავირუსით (კოვიდ-19) დაღუპულთა რაოდენობამ მსოფლიოს მასშტაბით 258 ათასს, დაავადებულთა 3 მილიონ 720 ათასს და გამოჯანმრთელებულთა კი მილიონ 242 ათას გადააჭარბა.

ეპიდემიის ცენტრალურ ბაზად გადაქცეულ ამერიკის შეერთებულ შტატებში გარდაცვალების რეგისტრირებული შემთხვევების რაოდენობა 70 ათასს გადასცდა. ნიუ-იორკში გარდაცვლილთა რაოდენობას დაემატა მოხუცებულთა თავშესაფრებში გარდაცვალების 1700 შემთხვევა, რომელიც რეგისტრირებული არ იყო.

იტალიაში კოვიდ-19-ით გარდაცვლილთა რიცხვი ერთ დღეში 236-ით 29 ათას 315-მდე გაიზარდა, დაავადებულთა რაოდენობა კი 1513-ით 98 ათას 467-მდე შემცირდა.

საფრანგეთში კოვიდ-19-ით გარდაცვლილთა რაოდენობამ ბოლო 24 საათში 330-ით 25 ათას 531-მდე, დაავადებულთა რაოდენობამ 406-ით 204 ათას 659-მდე მოიმატა. საფრანგეთმა კოვიდ-19-ის გამო დაწესებული შეზღუდვების 11 მაისიდან ეტაპობრივად შემსუბუქების გადაწყვეტილება მიიღო.

დიდ ბრიტანეთში კოვიდ-19-ის გამო ბოლო 24 საათში 693 ადამიანი გარდაიცვალა, რითაც მთლიანი რიცხვი 29 ათას 427-მდე გაიზარდა. ინგლისმა ამ მონაცემებით უკან ჩამოიტოვა იტალია. გარდაცვალების რაოდენობის მიხედვით ევროპაში პირველ, ხოლო მსოფლიოში აშშ-ს შემდეგ მეორე ადგილზე გადაინაცვლა. ქვეყანაში 4 ათას 406 ახალი შემთხვევა დაფიქსირდა.