კორონავირუსით გარდაცვლილთა რაოდენობამ 800-ს გადააჭარბა

ჩინეთში ქალაქ, უხანიდან გავრცელებული ახალი კორონავირუსით (2019-nCoV) ბოლო 24 საათის განმავლობაში კიდევ 89 ადამიანი დაიღუპა. გარდაცვლილთა საერთო რაოდენობამ კი 813-ს მიაღწია. ინფორმაციას ამის შესახებ ჩინეთის ჯანდაცვის ეროვნული კომიტეტი ავრცელებს.  უწყების ცნობით, ქვეყანაში კორონავირუსით ინფიცირების 2656 ახალი შემთხვევა გამოვლინდა, დადასტურებული შემთხვევების რაოდენობა კი 37 559-მდე გაიზარდა, რომელთაგან 6188-ის მდგომარეობა მძიმეა. დღემდე ვირუსით ინფიცირებული 2649 ადამიანია გამოჯანმრთელებული.

მეორეს მხრივ შეგახსენებთ, რომ ჯანდაცვის მსოფლიო ორგანიზაციამ 30 იანვარს კორონავირუსი გლობალურ საფრთხედ გამოაცხადა. ჩინეთში პნევმონიის აფეთქება პირველად გასული  წლის 12 დეკემბერს დაიწყო.