კორონავირუსით გარდაცვლილთა რაოდენობამ  500-ს მიაღწია

ჩინეთში ქალაქ, უხანიდან გავრცელებული ახალი კორონავირუსით (2019-nCoV) გარდაცვლილთა რიცხვი ბოლო მონაცემებით 491-მდე  გაიზარდა. ჩინეთის ჯანდაცვის ეროვნული კომისიის მიერ გავრცელებული ინფორმაციით, ამ დროისათვის ინფიცირებულთა რიცხვი  24 324-მდე გაიზარდა. მათგან 3219-ის მდგომარეობა მძიმეა. ჩინეთში პნევმონიის აფეთქება პირველად გასული  წლის 12 დეკემბერს დაიწყო. ხსენებული ვირუსი ჩინეთის გარდა კიდევ 27 ქვეყანაშია გავრცელებული, რის შედეგადაც ბოლო მონაცემებით დაინფიცირების 230 შემთხვევაა გამოვლენილი.