ფუეგოს ვულკანის ამოფრქვევის შედეგად დაღუპულთა რიცხვი იზრდება

გვატემალაში ფუეგოს ვულკანის ამოფრქვევის შედეგად დაღუპულთა რიცხვი ბოლო მონაცემებით 99-მდე გაიზარდა. ქვეყნის ეროვნული სამართლებრივი მეცნიერების ინსტიტუტის მიერ გავრცელებული განცხადების თანახმად, მომხდარის შედეგად ასევე 150-ზე მეტი  ადამიანი ჯერ კიდევ გაუჩინარებულია,  რომელთა ცოცხლად გადარჩენის შანში შეიძლება ითქვას, რომ აღარ არსებობს. ქვეყნის დედაქალაქიდან 40 კილომეტრის მოშორებით კვირა დღეს ამოფრქვეული ფუეგოს ვულკანის ლავამ სოფელი,  ელ-როდეო მთლიანად ლავით დაიფარა. მომხდარის შედეგად 3200-ზე მეტი ადამიანის ევაკუაცია განხორციელდა. საერთო ჯამში, ვულკანმა ოთხ რეგიონში 1,7 მილიონი ადამიანი დააზარალა.