კუბაში ჩამოვარდნილი ლაინერის ერთი შავი ყუთი ნაპოვნია
ამ ავიაკატასტროფას 110 კაცი ემსხვერპლა
კუბის დედაქალაქ ჰავანის აეროპორტიდან პარასკევს, აფრენიდან ცოტა ხნის შემდეგ ჩამოვარდნილი ლაინერის, Boeing 737 ტიპის სამგზავრო თვითმფრინავის ერთ-ერთი შავი ყუთი ნაპოვნია
ამ ქვეყანაში გამომავალი ინტერნეტ გამოცემა Cubadebate-ს ცნობით, ჰავანის ხოსე მარტის საერთაშორისო აეროპორტიდან აფრენილი და ქალაქ ჰოლგუინში მიმავალი სამგზავრო თვითმფრინავი, რომლის ბორტზეც ეკიპაჟის 9 წევრთან ერთად 104 მგზავრი იმყოფებოდა, აფრენიდან რამდენიმე წუთის შემდეგ, ჯერ კიდევ დაუდგენელი მიზეზებით, ჩამოვარდა და მისი ერთ-ერთი შავი ყუთი უკვე ნაპოვნია.
კუბის ტრანსპორტის მინისტრის ადელ უზგიერდის განცხადებით, ნაპოვნი პირველი ყუთი არ არის დაზარალებული, იგი კარგ მდგომარეობაშია და მალე მეორე ყუთსაც მიაგნებენ.
ქვეყნის ცენტრალური ოფიციალურ გაზეთ Granma-ს მიხედვით 113 კაციდან მხოლოდ სამია გადარჩენილი, რომელთა მდგომარეობაც სტაბილურია და მათი მკურნალობა გრძელდება.
ამ ავიაკატასტროფაში დაღუპულების სულების საპატივსაცემოთ კუბაში 2 დღიანი ეროვნული გლოვა გამოცხადდა და პროკურატურამ საქმის ძიება დაიწყო.
კუბის ქალაქ არტემისში გასულ წელს სამხედრო თვითმფრინავი ჩამოვარდა და 8 ადამიანი დაიღუპა.
2010 წელს კი, სანტიაგო-ჰავანის რეისის შემსრულებელი სამგზავრო თვითმფრინავის ჩამოვარდნას 68 ადამიანი ემსხვერპლა
მსგავსი ინფორმაციები
პოლონეთის საგარეო საქმეთა სამინისტრო: რუსეთს ჩვენი უნდა ეშინოდეს
პოლონეთის საგარეო საქმეთა სამინისტრო: რუსეთს ჩვენი უნდა ეშინოდეს
ჯო ბაიდენმა ხელი მოაწერა 95 მილიარდი დოლარის საგარეო დახმარების პაკეტს
ჯო ბაიდენმა ხელი მოაწერა 95 მილიარდი დოლარის საგარეო დახმარების პაკეტს