ავიაკატასტროფა ნეპალში

ბანგლადეშის კერძო ავიაკომპანია US-Bangla-ს კუთვნილი  სამგზავრო თვითმფრინავი ნეპალის დედაქალქ, კატმანდუში   ჩამოვარდა, შედეგად კი წინასწარი მონაცემებით 49 ადამიანი დაიღუპა, 22 კი დაშავდა.  სააგენტო „Kathmandu Post“-ის ინფორმაციით, თვითმფრინავი, რომელშიც 67  მგზავრი და 4 ეკიპაჟის წევრი იმყოფებოდა,  ტრიბჰუვანას საერთაშორისო აეროპორტის მახლობლად ჩამოვარდა. აეროპორტის ხელმძღვანელობის ინფორმაციით თვითმფრინავის მგზავრებიდან  32 ბანგლადეშის, 33 ნეპალის, ერთი ჩინეთის  და ერთი მალდივის რესპუბლიკის მოქალაქეები იყვნენ. მომხდარის მიზეზი ჯერჯერობით უცნობია.