სატვირთო თვითმფრინავიდან 5 მილიონი დოლარი გაიტაცეს
გამტაცებლების ჯგუფი 5 კაცისგან იყო შემდგარი
924029
შეიარაღებულმა პირებმა, ბრაზილიის ქალაქ სან პაულოს ვირაკოპოსის აეროპორტიდან შვეიცარიის ქალაქ ციურიხში მიმავალი სატვირთო თვითმფრინავიდან 5 მილიონი დოლარი გაიტაცეს.
ფედერალურმა პოლიციამ განაცხადა, რომ სულ ცოტა ხუთმა შეიარაღებულმა პირმა აეროპორტში დაცვის ავტომანქანის მსგავსი ავტომანქანით შეაღწია, შემდეგ სატვირთო განყოფილებაში შევიდნენ, სადაც გაანეიტრალეს დაცვის თანამშრომლები და ასე დააყაჩაღეს თვითმფრინავიდან 5 მილიონი დოლარით სავსე ტომრები.
ვირაკოპოსის აეროპორტის ხელმძღვანელობის განცხადებით, ამ ინციდენტის დროს არავინ არ დაშავებულა.
ფაქტთან დაკავშირებით პოლიციამ გამოძიება დაიწყო