ინდონეზიაში მეწყერის შედეგად დაღუპულთა რიცხვი 11-მდე გაიზარდა

ინდონეზიის ბრებესის რეგიონში ჩამოწოლილი მეწყერის შედეგად დაღუპულთა რიცხვი 11-მდე გაიზარდა.

კატასტროფების მართვის ეროვნული სააგენტოს პრესსპიკერის სუტოპო პურვო ნუგროჰოს განცხადებით, ცენტრალური ჯავას ბრებესის რეგიონში პარასკევს ბრინჯის ყანაში სოფლის მეურნეობის მუშაკების მუშაობის დროს ჩამოწოლილი მეწყერის შედეგად დაღუპულთა რიცხვი 11-მდე გაიზარდა.

მისივე განცხადებით, რეგიონში დაკარგული 7 ადამიანის სამძებრო-სამაშველო სამუშაოები გრძელდება და დაკარგულთა სიაში შეცდომით მიმატებული 4 ადამიანი თავს კარგად გრძნობს.

კატასტროფების მართვის ეროვნული სააგენტოს ინფორმაციით, რეგიონში რელიეფის სირთულის გამო სამაშველო-სამძებრო სამუშაოები ძნელად ტარდება.

ამავდროულად, ბრებესის კატასტროფების შემცირების განყოფილებამ მეწყერის რისკის გამო დაახლოებით 700 ადამიანის რეგიონიდან ევაკუაცია განახორციელა და სავარაუდო მეწყერის დროს სწრაფი რეაგირებისათვის რეგიონში 14 დღიანი საგანგებო მდგომარეობა გამოცხადდა.