უკრაინა ამერიკისგან ლეტალურ იარაღს მიიღებს

უკრაინის პრეზიდენტმა პეტრო პოროშენკომ სოციალურ ქსელ Twitter-ით გავრცელებულ მესიჯში აღნიშნა, რომ მიმდინარე წელს აშშ-სგან ლეტალურ (სასიკვდილო) თავდაცვითი იარაღს მიიღებენ.

ამერიკული საინფორმაციო სააგენტო Associated Press-ი, მაღალჩინოსან ბიუროკრატებზე დაყრდნობით  იუწყება, რომ აშშ-ის პრეზიდენტის, დონალდ ტრამპის ადმინისტრაციამ უკრაინისთვის Javelin-ის ტიპის ანტი-სატანკო რაკეტების და სხვა ლეტალური იარაღის მიწოდების გეგმა დაამტკიცა.

აშშ-ს სახელმწიფო დეპარტამენტის პრეს წარმომადგენელმა ჰეტერ ნაურეტმაც განაცხადა, რომ უკრაინის ტერიტორიული მთლიანობისა და სუვერენიტეტის დაცვის მიზნით ვაშინგტონის ადმინისტრაციამ მიიღო გადაწყვეტილება, რომ უკრაინას სამხედრო იარაღი მიაწოდონ