მეხის დაცემამ 11 ადამიანი იმსხვერპლა

ინდოეთის აღმოსავლეთში მდებარე ორისას პროვინციის მთავრობის წარმომადგენლის რაჯანდრა პანდას განცხადებით, ამ რეგიონის ბრინჯის პლანტაციაში მეხის დაცემის შედეგად, ხსენებულ პლანტაციაში მომუშავე 11 კაცი დაიღუპა, 8 დაიჭრა. ამ ქვეყანაში ივნისიდან მუსონური წვიმები დაიწყო და მას უკვე ასობით კაცი ემსხვერპლა, ხოლო ამის პარალელურად გუჯარათის, რაჯასტანის, ასამის, უტარ პრადეშის პროვინციებში 10 ათასობით ადამიანის უსაფრთხო ადგილებში ევაკუაცია მოახდინეს. მუსონური წვიმები ინდოეთში სექტემბრის ბოლომდის გაგრძელდება