აშშ პაკისტანს იარაღს მიჰყიდის

აშშ-ს სახელმწიფო დეპარტამენტმა პაკისტანისათვის 952 მილიონი დოლარის ღირებულების სამხედრო აღჭურვილობის მიყიდვაზე თანხმობა განაცხადა. ამ აღჭურვილობებს შორისაა 15 მოიერიშე ვერტმფრენი, ტანკსაწინააღმდეგო რაკეტები, ლოჯისტიკური მხარდაჭერა და საწვრთნელი აღჭურვილობა.

საგარეო უწყებამ ამ საკითხთან დაკავშირებით კონგრესს ინფორმაცია მიაწოდა და თუ 30 დღის მანძილზე კონგრესი პრეტენზიას არ განაცხადებს, გაყიდვა ავტომატურად იქნება დამტკიცებული.

პაკისტანის მთავრობის მიერ წარდგენილ მოთხოვნაში შედიოდა 15 მოიერიშე ვერტმფრენი, 32 ტურბო ძრავა, 1000 ცალი რაკეტა, პერსონალური საწვრთნელი აღჭურვილობა და სხვა.