თურქეთის ავიახაზები კანადაში ხვალ სპეციალურ რეისს შეასრულებს

თურქეთის ავიახაზები კანადაში მყოფი თურქეთის მოქალაქეების ჩამოსაყვანად ხვალ სპეციალურ რეისს შეასრულებს.

თურქეთის ტორონტოს გენერალურ საკონსულოში გაკეთებულ წერილობით განცხადებაში ნათქვამია: „ჩვენი მოქალაქეების მოთხოვნით, 8 ივნისს, ორშაბათს, ადგილობრივი დროით 19.50 საათზე თურქეთის ავიახაზების ორგანიზებით შესრულდება რეისი (TK6882) ტორონტო-სტამბოლი. ამ რეისზე მხოლოდ თურქეთში ბინადრობის ნებართვის მქონე პირები და თურქეთის რესპუბლიკის მოქალაქეები დაიშვებიან.“

აქვე ნათქვამია, რომ ფრენის დღეს, კოვდ - 19-ის ვირუსული სიმპტომების ან ვირუსის დიაგნოზის მქონე პირები თვითმფრინავში არ დაიშვებიან, მგზავრები თურქეთში ჩასვლისთანავე თავიანთ სახლებში 14 დღის განმავლობაში კარანტინში დარჩებიან.

თურქეთის ავიახაზებმა, პირველი 8 აპრილს, მეორე 22 აპრილს და ბოლოს 4 ივნისს შესრულებული საევაკუაციო რეისებით კანადიდან თურქეთში მთლიანობაში 833 ზრდასრული და 15 ჩვილი მგზავრის ჩამოყვანა უზრუნველყო.