ბაერბოკმა განაცხადა, რომ G7-ის ქვეყნები უკრაინის ზამთრის დახმარებას უზრუნველყოფენ

გერმანიის საგარეო საქმეთა მინისტრმა ანნალენა ბაერბოკმა განაცხადა, რომ G7-ის ქვეყნებმა (გერმანია, ამერიკის შეერთებული შტატები, დიდი ბრიტანეთი, იტალია, საფრანგეთი, იაპონია, კანადა) კოორდინირებული ქმედებები დაიწყეს უკრაინის ზამთრის დახმარების უზრუნველსაყოფად.

გერმანიის ქალაქ მიუნსტერში G7-ის საგარეო საქმეთა მინისტრების შეხვედრის წინ სიტყვით გამოსვლისას ბაერბოკმა თქვა: ”ჩვენ უკრაინას ზამთრის დახმარებას გავუწევთ ჩვენს G7-ის პარტნიორებთან ერთად”.

მისივე თქმით, ბევრი სხვა ქვეყანაც დაუჭერს მხარს ამ დახმარებას და აღნიშნა: "ეს ზამთრის დახმარება ასევე ნიშნავს, რომ ჩვენ არ მივიღებთ საერთაშორისო სამართლის დარღვევას. ჩვენ არ მივიღებთ რუსეთის პრეზიდენტის ვლადიმერ პუტინის სტრატეგიას უკრაინის დაშლის შესახებ. ჩვენ არ მივიღებთ იმას, რომ ის საერთაშორისო ერთიანობის დარღვევას იმედოვნებს“.

ბაერბოკმა უკრაინის ენერგეტიკულ ინფრასტრუქტურაზე თავდასხმების გამო პუტინი უფრო მეტ არაადამიანურობაში დაადანაშაულა და დასძინა, რომ G7 ქვეყნები არ დაუშვებენ მოხუცები, ბავშვები და ახალგაზრდები შიმშილით ან სიცივით დაიღუპონ.