დედოფალ მარია ანტუანეტას ძვირფასეულობა რეკორდულ ფასად გაიყიდა

შვეიცარიის ქალაქ, ჟენევაში სოტბის აუქციონზე გატანილი, საფრანგეთის დედოფალ, მარია ანტუანეტას ძვირფასეულობიდან ბრილიანტის შესაკრავიანი მარგალიტის ყელსაბამი რეკორდულ ფასად, 32 მილიონ შვეიცარული ფრანკად ანუ, 42,7 მილიონ დოლარად გაიყიდა. ჟენევაში სოტბის აუქციონზე ასევე საფრანგეთის ბოლო დედოფალის კუთვნილი 10 სამკაულიც გამოიტანეს. აუქციონზე ყველაზე ძვირად,  დედოფალის ბრილიანტის შესაკრავიანი მარგალიტის ყელსაბამი გაიყიდა, რომლის მყიდველის ვინაობაც არ დასახელებულა. მარია ანტუანეტას სამკაული 200 წლის განმავლობაში კერძო კოლექციონერებთან ინახებოდა და მისი   ნახვა შეუძლებელი იყო. საფრანგეთის მეფე, ლუი XVI-ს მეუღლე  მარია ანტუანეტა დიდებული ცხოვრებით და სიკვდილით, საფრანგეთის რევოლუციის დაუვიწყარ პირებს შორის ყოველთვის მოიხსენიება. მარია ანტუანეტა  1793 წელს 16 ოქტომბერს 37 წლის ასაკში,  პარიზის ცენტრალურ მოედანზე რევოლუციური ტრიბუნალის გადაწყვეტილებით თავი მოკვეთე. მის შესახებ მრავალი წიგნი დაიწერა და ასევე ფილმიც იქნა გადაღებული.