Türkiyә mәtbuatı: 16 fevral 2022

Türkiyә mәtbuatında dәrc olunan bәzi xәbәrlәrin xülasәsi.

‘‘Star’’:  Dubayda Türkiyә Milli Günü hәyәcanı

 Türkiyə prezidenti Rəcəb Tayyib Ərdoğan Birlәşmiş Ərәb Əmirliklәrinin ev sahibliyindә keçirilәn  beynəlxalq “Dubai Expo” sәrgisindә çıxış edib. Rәcәb Tayyib Әrdoğan deyib: "Kənd təsərrüfatından iqtisadiyyata qədər hər sahədə davamlılığa nail olmaq ilkin  prioritetimizdir. Türkiyənin bu çәrçivәdә “Dubai Expo” sәrgisinә qatılması bu sahədəki güclü mövqeyimizi nümayiş etdirir’’.

‘‘Vatan’’: Türkiyә prezidenti Rәcәb Tayyib Әrdoğan: ‘‘Hәr növ dәstәyә hazırıq’’

 Türkiyə prezidenti Rəcəb Tayyib Ərdoğan Birlәşmiş Ərәb Əmirliklәrindә biznesmenlәr vә investorlarla görüşüb. Burada çıxış edәn Türkiyә prezidenti deyib: ‘‘Liderlәrin vәzifәsi ticarәtdәn müdafiәyә, turizmdәn nәqliyyatadәk zәmin yaratmaqdır. Ticarәt Nazirliyimiz, Sәnaye vә Texnologiya Nazirliyimiz, digәr qurumlarımız hәr növ investisiya layihәlәrindә sizә dәstәk vermәyә hazırdır’’.

Hürriyet: İsrail prezidenti İsaak Hersoq Türkiyәyә sәfәr edәcәk

İsrail prezidenti İsaak Hersoq  martın 9-10-da Türkiyәyә sәfәr edәcәk.

İsaak Hersoq Türkiyәyә sәfәr etmәzdәn әvvәl  Prezident Aparatının sözcüsü, sәfir İbrahim Kalın vә xarici işlәr nazirinin müavini, sәfir Sedat Önal fevralın 16-17-dә Fәlәstin vә İsraildә görüşlәr keçirәcәk.

Fәlәstin dövlәt başçısı Mahmud Abbas  tәrәfindәn qәbul edilәcәk nümayәndә heyәti İsrail orqanları ilә dә bir araya gәlәcәk. Görüşlәrdә İsrail prezidenti İsaak Hersoqun Türkiyәyә edәcәyi sәfәrin hazırlıqları müzakirә olunacaq.

İsrailin bәzi nazirlәri dә Antalya Diplomatiya Forumu çәrçivәsindә Türkiyәyә sәfәr edәcәklәr.

Türkiyә prezidenti Rәcәb Tayyib Әrdoğan İsrail ilә yeni prosesin başlayıb-başlamayacağı mәsәlәsindә iki ölkәnin kәşfiyyat idarәlәri arasında görüşlәrin keçirildiyini açıqlamışdı. Bu açıqlama gündәmi zәbt etmişdi.

Daha sonra hәm Türkiyә, hәm dә İsrail dialoqla bağlı açıqlamalar vermişdi.

‘‘Habertürk’’: ‘‘ABŞ-ın Türkiyәdәki sәfiri Fleyk ilk dәfә danışdı’’

Amerika Birlәşmiş Ştatlarının Türkiyәdәki sәfiri  Cefri Fleyk vəzifәsinin icrasına başladıqdan bәri ilk dәfә Türkiyə-ABŞ münasibətləri ilə bağlı açıqlamalar verib. 70 ildir NATO-nun mühüm üzvü olan Türkiyənin ikinci ən böyük F-16 donanmasına sahib olduğunu ifadə edən Flake "F16-larla bağlı danışıqlar yaxşı gedir’’deyib.

Yeni Şafak: ‘‘Flay Dubai’’ aviaşirkәti  matr ayında Sabiha Gökçәn hava limanına reyslәr hәyata keçirәcәk

Birlәşmiş Әrәb Әmirliklәrinin ‘‘Fly Dubay’’ aviaşirkәti  martın 2-dәn etibarәn İstanbulun Sabiha Gökçәn hava limanına reyslәr hәyata keçirәcәyini açıqlayıb. Belәliklә ‘‘Fly Dubay’’ aviaşirkәti hәftәdә 12 dәfә Birlәşmiş Әrәb Әmirliklәri-İstanbul- Birlәşmiş Әrәb Әmirliklәri marşrutu üzrә uçuş hәyata keçirәcәk.