Türkiyә mәtbuatı: 20 oktyabr 2020

Türkiyә mәtbuatında dәrc olunan bәzi xәbәrlәrin xülasәsi.

‘‘Haber Türk’’: Türkiyә Vyetnam vә Kambocada yaşanan fırtına nәticәsindә hәyatını itirәnlәr ilә әlaqәdar bu ölkәlәrә başsağlığı verib. Xarici İşlәr Nazirliyindәn verilәn bәyanatda bu ifadәlәrә yer verilib: ‘‘Vyetnam vә Kambocada baş verәn fırtına nәicәsindә çox sayda adamın hәlak olması ilә bağlı xәbәr bizi kәdәrlәndirib. Hәyatını itirәnlәrin ailәlәrinә, dost vә qardaş Vyetnam vә Komboca xalqı ilә hökumәtinә başsağlığı, xәsarәt alanlara şәfa dilәyirik’’.

‘‘Hürriyet’’: Sakaryada tәbi qazla әlaqәdar 40 quyu qazılacaq

Türkiyә Qara dәnizdә ilk öncә 320, daha sonra isә 85 milyard kubmetr tәbii qaz kәşf edib. Enerji naziri Fatih Dönmәz Sakaryada kәşf edilәn tәbii qazla әlaqәdar 40 quyunun qazılacağını bildirib. Fatik Dönmәz bildirib ki, bununla bağlı fәaliyyәtlәr 2023-cü ildә hәyata keçirilәcәk.

‘‘Vatan’’: Ruhsar Pekcan Türkiyә iqtisadiyyatı ilә әlaqәdar bәyanat verib

Türkiyәnin ticarәt naziri Ruhsar Pekcan pandemiyanın tәsir göstәrmәdiyi hәr hansı bir sektorun vә ölkәnin olmadığını bildirib. İqtisadi İnkişaf vә Әmәkdaşlıq Tәşkilatının oktyabrın 16-da yayımladığı hesabata görә, İqtisadi İnkişaf vә Әmәkdaşlıq Tәşkilatına üzv ölkәlәr arasında 2020-ci ili Çin vә Cәnubi Koreyadan sonra әn az itki ilә başa vuracaq ölkәnin Türkiyә olduğunu bildirilib.

‘‘Star’’: Türkiyә Şәqi Aralıq dәnizindә daha da güclәnәcәk

Şimali Kıbrıs Türk Cümhuriyyәtindә Ersin Tatarın prezident seçilmәsi ilә yeni bir dövrün başladığını ifadә edәn mütәxәssislәr 46 ildir bağlı olan Maraşın açılması ilә milli gәlirin iki dәfә artacağını, Kıbrısdakı türklәrin hüquqlarının daha güclü şәkildә müdafiә edilәcәyini vә  Türkiyәnin Şәrqi Aralıq dәnizindә daha da güclәnәcәyini vurğulayır.