Türkiyә mәtbuatı: 26 iyun 2020
Türkiyә mәtbautında bu gün dәrc olunan bәzi xәbәrlәrin xülasәsi.
Türkiyә mәtbautında bu gün dәrc olunan bәzi xәbәrlәrin xülasәsi.
‘‘Yeni Şafak’’: Türkiyә prezidenti Rәcәb Tayyib Әrdoğan Koreya müharibәsinin 70-ci ildönümündә şәhid vә qazilәri hörmәtlә yad edib.
Türkiyә prezidenti Rәcәb Tayyib Әrdoğan Koreya müharibәsinin 70-ci ildönümündә şәhid vә qazilәri hörmәtlә yad edib. Әrdoğan Koreya müharibәsinin 70-ci ildönümü münasibәtilә Cәnubi Koreyada tәşkil edilәn mәrasimә göndәrdiyi video-mesajda deyib: ‘‘Koreya müharibәsinin 70-ci ildönümündә әziz şәhidlәrimizi rәhmәtlә, qazilәrimizi hörmәtlә yad edirәm’’.
‘‘Hürriyet’’: Türkiyә Amerika Birlәşmiş Ştatlarının terror hesabatına reaksiya göstәrib.
Türkiyәnin Xarici İşlәr Nazirliyinin sözçüsü Hami Aksoy Amerika Birlәşmiş Ştatlarının Dövlәt Departamentinin 2019-cu ilә dair hazırladığı terror hesabatına reaksiya göstәrib. Aksoy deyib: ‘‘Hesabatda ölkәmizin YPG-ni PKK-nın Suriyadakı qolu olaraq qiymәtlәndirdiyi ifadә edilәrәk YPG-nin PKK ilә eyni terror tәşkilatı olduğunun üstü örtülüb’’.
‘‘Sabah’’: Türkiyә Prezident Aparatının sözçüsü İbrahim Kalın Liviya ilә bağlı bәyanat verib.
Türkiyә Prezident Aparatının sözçüsü İbrahim Kalın Liviyadakı son vәziyyәt ilә bağlı bәyanatlar verib. İbrahim Kalın çevrilişçi Hafterә ciddi zәrbәnin endirildiyini qeyd edib. ‘‘Fransa tәrәfindәn dәstәklәnәn Hafter tәhlükәli oyun oynayır’’,-deyә Türkiyә Prezident Aparatının sözçüsü qeyd edib.
‘‘Haber Türk’’: Nazir Varank: ‘‘ Bir neçә ay әrzindә gözәl xәbәrlәr verә bilәrik’’
Türkiyәnin sәnayi vә texnologiya naziri Mustafa Varank bildirib ki, yeni növ koronavirus epidemiyası ilә mübarizә mәsәlәsindә peyvәndlә bağlı sınaqlarımız davam etdirilir. Bir neçә ay әrzindә gözәl xәbәrlәr verә bilәrik.
‘‘Vatan’’: ‘‘Türkiyә ikә Ukrayna arasındakı aviareyslәr iyulun 1-dәn etibarәn bәrpa olunacaq.
Ukrayna prezidenti Vladimir Zelenski Türkiyә ilә Ukrayna arasındakı bәzi aviareyslәrin iyulun 1-dәn etibarәn bәrpa olunacağını deyib. Zelenski deyib: ‘‘Bunun turizm sektoruna töhfә verәcәyi mәsәlәsindә Türkiyә prezidenti Rәcәb Tayyib Әrdoğanla hәmfikirәm’’.
