Türkiyә mәtbuatı 25.03.2019

Vatan: ‘‘Mövlud Çavuşoğlu: Yenә sizә görә müharibә başlayacaq’’

Türkiyәnin Xarici İşlәr naziri Mövlud Çavuşoğlu Yeni Zelandiyadakı mәscidlәrә tәşkil edilәn hücumla bağlı deyib: ‘‘Bu cani vә arxasındakilәr Prezident Rәcәb Tayyib Әrdoğanı hәdәf aldılar. Bu gün Türklәrә vә müsәlmanlara qarşı olanlar birlәşiblәr. Bunun sәbәbi isә müsәlmanların yeganә gür  sәsi olan Türkiyәdir’’. Mövlud Çavuşoğlu  bu gün müsәlmanlara vә Türklәrә qarşı olanların  gәlәcәkdә ortodoks vә katoliklәrә qarşı olacağı ilә bağlı Avropaya xәbәrdarlıq edib. Mövlud Çavuşoğlu deyib: ‘‘Keçmişdә olduğu kimi müharibәnin başlamasına sәbәb olacaqsınız’’.

Star: ‘‘Türkiyә Malidә törәdilәn hücumu qınadı’’

Türkiyә Malinin Mopti bölgәsindәki kәndә tәşkil edilәn hücumu qınayaraq bu ölkәyә başsağlığı verdi.

Türkiyәnin Xarici İşlәr Nazirliyindәn verilәn açıqlamada bu ifadәlәrә yer verilib: ‘‘Malinin Mopti bölgәsindәki Bankass qәsәbәsi yaxınlığında yerlәşәn bir kәndә edilәn hücum nәticәsindә çox sayda adamın yaralanması vә hәlak olması ilә bağlı xәbәr bizi kәdәrlәndirdi. Bu xain hücumu qınayır, hәlak olanlara Allahdan rәhmәt, xәsarәt alanlara şәfa, qardaş Mali xalqına vә hökumәtinә dәrin hüznlә başsağlığı veririk’’.

Qeyd edәk ki, Malinin Mopti bölgәsindәki kәndә tәşkil edilәn hücum nәticәsindә çox sayda adam  hәlak olmuşdu.

Haber Türk: ‘‘İstanbul hava limanı beynәlxalq sәrgilәrә töhfә verәcәk’’

‘‘Hannover Fairs Turkey’’in baş direktoru Aleksandr Kühnel İstanbul hava limanının beynәlxalq sәrgilәrә töhfә verәcәyini ifadә edәrәk bildirib ki, yeni hava limanı sayәsindә  milli vә beynәlxalq sәrgilәrimizә daha çox ziyarәtçi qatılacaq.

Hürriyet: ‘‘Dünya Türk pomidorundan imtina edә bilmir’’

İstixana İnvestorları vә İstehsalçılar Birliyinin sәdri Müslüm Yanmaz Türk pomidorunun dünyanın müxtәlif ölkәlәrinә ixrac edildiyini ifadә edib. Müslüm Yanmaz  bu çәrçivәdә istixana sektorunun inkişaf etmәsinin әhәmiyyәtinә toxunub. Müslüm Yılmaz deyib: ‘‘Türkiyәdә tәxminәn 12 min ton pomidor becәrilir. Bunun tәxminәn 3.5 tonu istixanalarda yetişdirilir’’. Yanmaz keçәn il 53 ölkәyә 292 milyon dollar mәblәğindә pomidor ixrac edildiyini vurğulayıb.

Sabah: ‘‘Ankarada  MFÖ qrupunun konserti olacaq’’

Mazhar-Fuat-Özkan (MFÖ) qrupunun konserti  Mәdәniyyәt vә Turizm Nazirliyinin İncә  Sәnәtlәr şöbәsinin tәşkilatçılığı ilә martın 26-da ‘‘Ankara Spor Salonu’’da keçirilәcәk. Qrupa Prezident Aparatının Simfonik Orkestri müşәyiәt edәcәk.