Türkiyә mәtbuatı 26.02.2019
Türkiyə mətbuatında bu gün dərc olunan bəzi xəbərlərin xülasəsi.
Sabah: ‘‘Türkiyә Antarktidada müvәqqәti elmi bazasını qurdu’’
Sәnaye vә Texnologiya naziri Mustafa Varank Türkiyәnin Antarktidada müvәqqәti elmi bazasını qurduğunu bildirib. Mustafa Varank deyib: ‘‘Türkiyә Antarktidada müvәqqәti elmi bazasını qurdu. Bayrağımız Antarktidada dalğalandığı üçün çox xoşbәxtik. Alimlәrimizә tәşәkkür edirik. Xeyirli olmasını arzulayırıq’’.
Star: ‘‘Türkiyәyә 2018-ci ildә 13 milyard 163 milyon dollar mәblәğindә investisiya qoyulub’’
Türkiyә Prezident Aparatının İnvestisiya Ofisinin rәhbәri Arda Ermut Türkiyәyә 2018-ci ildә 13 milyard 163 milyon dollar mәblәğindә investisiya qoyulduğunu deyib. Arda Ermut bu Türkiyә iqtisadiyyatına göstәrilәn etimadın vә ölkәnin potensialının bir nәticәsi olduğunu bildirib. Arda Ermut keçən il Türkiyəyə ən çox sərmayə qoyan ölkələrin Hollandiya vә Azərbaycan olduğunu vurğulayıb.
Vatan: ‘‘Şәrq Ekspressi turistlәrin diqqәtlәrini cәlb etmәyә davam edir’’
Türkiyәnin Mәdәniyyәt vә Turizm naziri Mehmet Nuri Ersoy son zamanlarda ‘‘Şәrq Ekspressi’’in turistlәrin diqqәtini cәlb etdiyini deyib. Mehmet Nuri Ersoy deyib: ‘‘Şәrq Ekspressi turistlәri daşıyan qatara çevrildi. Biz deyirik ki, mәqsәdinә uyğun bir qatar da tәşkil edәk. Türistlәr o qatarla sәyahәtlәrini etsinlәr’’.
Haber Türk: ‘‘Göbәklitәpә İli turist axını ilә başladı’’
2019-cu ilin ‘‘Göbәklitәpә İli’’ elan edilmәsindәn sonra Şanlıurfaya çox sayda turist gedib. Yanvar vә fevral aylarında bölgәyә çox sayda turistin gәldiyi bildirilir.
Qeyd edәk ki, ötәn il Şanlıurfanı hәm ölkә daxilindәn, hәm dә xaricindәn bir milyondan çox turist ziyarәt etmişdi.
Hürriyyet: " Hindistanlı güləşçi Edirnədə istirahәt edir’’
Hindistanlı gülәşçi Qeta Poqat (Geeta Phogat) Ədirnədə istirahәt edir.
Qeta Poqat on gündür Türkiyənin әn önәmli güləş mərkəzlərindən biri olan Ədirnə Olimpiya Hazırlıq Mərkəzində Türkiyәnin Milli Güləş Komandası ilә mәşq edir.
