İraqın şimalında ağır yaralanan əsgər şəhid olub

İraqın şimalında separatçı terror təşkilatı PKK üzvlərinin yerləşdirdiyi əl istehsalı partlayıcının işə düşməsi nəticəsində ağır yaralanan əsgər şəhid olub.

Türkiye Milli Müdafiə Nazirliyindən verilən açıqlamada “Bu gün "Pəncə" əməliyyatı bölgəsində separatçı terror təşkilatı üzvlərinin əvvəllər yerləşdirdiyi əl istehsalı partlayıcının partlaması nəticəsində ağır yaralanan Piyada Mütəxəssisi Çavuş Mustafa Çakmak dərhal xəstəxanaya çatdırılıb və müalicəsi davam etdirilib. Lakin bütün müdaxilələrə baxmayaraq, əsgərimizi xilas etmək mümkün olmayıb və şəhid olub” deyilib.