MİT İraqda PKK üzvü bir terrorçunu zərərsizləşdirib

Suriyanın şimalında "Zeytun budağı" bölgəsinə atəş açan separatçı terror təşkilatı PKK/YPG üzvü 6 terrorçu zərərsizləşdirilib.

Milli Müdafiə Nazirliyindən verilən açıqlamada "Suriyada xalqın əmin-amanlığını və təhlükəsizliyini pozmaq istəyən terrorçulara cavab verməyə davam edirik. Qəhrəman Türkiye Silahlı Qüvvələrimiz "Zeytun budağı" əməliyyat bölgəsində təcavüz atəşi açan 6 PKK/YPG terrorçusunu zərərsizləşdirib" ifadələrindən istifadə edilib.

Digər tərəfdən, Türkiye polisi və kəşfiyyatçılarına sui-qəsd etmək üçün təlim keçən separatçı terror təşkilatı PKK üzvü, "Baver Botan" kod adlı Bəkir Kına İraqda zərərsizləşdirilib.

2019-cu ildə İraqa gedərək təşkilata qoşulan Kına indiyə qədər İran və İraqda terror fəaliyyətləri həyata keçirib.

Türkiye Silahlı Qüvvələri, polis və Milli Kəşfiyyat Təşkilatı (MİT) mənsublarına qarşı sui-qəsd üçün İraqın Türkiyedən təxminən 150 kilometr uzaqlıqda yerləşən Süleymaniyyə şəhərində təlim keçən Kınanın qısa və uzun lüləli silahlarla təlim keçdiyi və qeyri-qanuni yollarla Türkiyeyə göndərilmək istəndiyi müəyyən edilib.

 Həmin məlumatlar işığında hərəkətə keçən MİT terrorçu Kınanı sui-qəsd hazırlığı edərkən keçirdiyi əməliyyatla zərərsizləşdirib.