Yaşar Gülər bir sıra ölkənin müdafiə naziri ilə görüşüb
Belçikanın paytaxtı Brüsseldə NATO-ya üzv ölkələrin müdafiə nazirlərinin toplantısı keçirilir.
Belçikanın paytaxtı Brüsseldə NATO-ya üzv ölkələrin müdafiə nazirlərinin toplantısı keçirilir.
Milli müdafiə naziri Yaşar Gülər təmasları çərçivəsində ilk olaraq NATO-nun Baş katibi Yens Stoltenberq ilə NATO-nun mənzil-qərargahında görüşüb.
Görüş zamanı müdafiə, təhlükəsizlik və NATO ilə bağlı məsələlər ətrafında fikir mübadiləsi aparılıb.
Milli müdafiə naziri Yaşar Gülər Litvanın müdafiə naziri Arvydas Anusauskas ilə də görüşüb.
Tərəflər ikitərəfli, regional müdafiə və təhlükəsizlik ilə NATO məsələləri ətrafında fikir mübadiləsi aparıblar.
Gülərin Estoniyanın müdafiə naziri Hanna Pevkur ilə görüşündə regional müdafiə və təhlükəsizlik, hәmçinin NATO məsələləri ətrafında fikir mübadiləsi aparılıb. Pevkur görüşdə Yaşar Güləri yeni vəzifəsi münasibətilə təbrik edib və ona uğurlar arzulayıb.
Böyük Britaniyanın müdafiə naziri Ben Vollas ilə də görüşən Yaşar Gülər həmkarı ilə ikitərəfli, regional müdafiə və təhlükəsizlik, müdafiə sənayesində əməkdaşlıq mövzuları ətrafında fikir mübadiləsi aparıb.
NATO-nun mənzil-qərargahında 2 gün davam edəcək toplantıda 2022-ci ilin 24 fevral tarixindən etibarən davam edən Rusiya-Ukrayna müharibəsi başda olmaqla bir çox mövzular müzakirə edilir.
NATO-nun müdafiə büdcəsinin artırılması ilə bağlı da müzakirələr aparılır.
Әlaqәli Xәbәrlәr
Türkiyə prezidenti ilə Ermənistan Baş naziri arasında telefon danışığı oldu
Türkiyə Prezident Administrasiyası İctimaiyyətlə Əlaqələr Departamentinin məlumatına görə ...
Türkiyə Azərbaycanın gələcəyinə təmiz nəfəsi artırır
Göndərilən tinglər Qarabağ və paytaxt Bakıda torpağa qovuşacaq