Sudanda yaşayan Türkiye vətəndaşlarına xəbərdarlıq edildi

Türkiye Sudanda yaşayan Türkiye vətəndaşlarını qapalı məkanlarda qalmamağa davam etməyə və fövqəladə hallarda Türkiyenin Xartumdakı səfirliyinə və Xarici İşlər Nazirliyinin Konsulluq Çağrı Mərkəzinə zəng etməyə çağırıb.

Xarici İşlər Nazirliyinin sosial media hesablarından edilən paylaşımda Sudandakı vəziyyətin yaxından izləndiyi bildirilib.

Hazırda Sudanda hava məkanının bağlı olduğunu xatırladan paylaşımda deyilir:

"Ölkə daxilində təhlükəsizlik vəziyyəti də indiki mərhələdə səyahət üçün uyğun deyil. Vətəndaşlarımızın qapalı yerlərdə qalmağa davam etməsi faydalı olardı".

Açıqlamada qeyd olunub ki, Sudandakı Türkiye vətəndaşları Türkiyenin Xartumdakı səfirliyinə “+249 90 094 27 38” və Xarici İşlər Nazirliyinin Konsulluq Zəng Mərkəzinə isə “+90 312 292 29 29" telefon nömrəsi ilə zəng edə bilərlər. 

Xatırladaq ki, aprelin 15-də səhər saatlarında Sudanın paytaxtı Xartum və müxtəlif şəhərlərdə Sudan ordusu ilə xüsusi təyinatlılar arasında silahlı toqquşmalar baş verib.
Davam edən silahlı toqquşmalar nəticəsində ölənlərin sayının isə 100-ə çatdığı bildirilib.