İbrahim Kalın və Ceyk Sullivan arasında telefon danışığı olub
Türkiye Prezidentinin sözçüsü İbrahim Kalın ABŞ-ın milli təhlükəsizlik məsələləri üzrə müşaviri Ceyk Sullivan ilə telefon əlaqəsi saxlayıb.
![İbrahim Kalın və Ceyk Sullivan arasında telefon danışığı olub](http://cdn.trt.net.tr/images/xlarge/rectangle/f97b/7511/9d18/62b94180127d3.jpg?time=1718783535)
Türkiye Prezidentinin sözçüsü İbrahim Kalın ABŞ-ın milli təhlükəsizlik məsələləri üzrə müşaviri Ceyk Sullivan ilə telefon əlaqəsi saxlayıb.
Prezident Aparatının mətbuat xidmətindən verilən məlumata görə,
görüş zamanı ikitərəfli siyasi və iqtisadi əlaqələr, müdafiə sənayesi və enerji sahələrində əməkdaşlıq, Ukraynadakı müharibə, Egey və Aralıq dənizi və digər regional məsələlər müzakirə edilib.
Türkiyənin ''F-16''ların tədarükü ilə bağlı gözləntilərinin dilə gətirildiyi görüşdə ABŞ rəhbərliyinin dəstəyindən duyulan məmnunluq ifadə olunub.
Ukraynadakı müharibənin davam etməsi və zorakılığın artması ilə bağlı narahatlığın ifadə olunduğu görüşdə müharibənin qlobal sülhə vurduğu zərərin aradan qaldırılması üçün hər cür diplomatik səylərin əhəmiyyəti vurğulanıb.
Söhbət zamanı Türkiyənin taxıl daşınması ilə bağlı imzalanan sazişin müddətinin uzadılması da daxil olmaqla diplomatik həll təşəbbüslərini qətiyyətlə davam etdirəcəyi bildirilib.
Telefon danışığında Türkiyənin Egey və Aralıq dənizində qanuni hüquq və maraqlarını müdafiə etməyə davam edəcəyi, həmçinin Yunanıstanın təxribat xarakterli ritorikasına son qoymasının vacibliyi vurğulanıb.
Әlaqәli Xәbәrlәr
![Türkiyə prezidenti ilə Ermənistan Baş naziri arasında telefon danışığı oldu](http://cdn.trt.net.tr/images/medium/rectangle/17dc/85c7/62ef/667274aa8f555.jpg?time=1718783536)
Türkiyə prezidenti ilə Ermənistan Baş naziri arasında telefon danışığı oldu
Türkiyə Prezident Administrasiyası İctimaiyyətlə Əlaqələr Departamentinin məlumatına görə ...
![Türkiyə Azərbaycanın gələcəyinə təmiz nəfəsi artırır](http://cdn.trt.net.tr/images/medium/rectangle/6e67/9b77/98a9/66716af7bff4b.jpg?time=1718783536)
Türkiyə Azərbaycanın gələcəyinə təmiz nəfəsi artırır
Göndərilən tinglər Qarabağ və paytaxt Bakıda torpağa qovuşacaq