Türkiyə prezidenti ilə İsveçin baş naziri arasında telefon danışığı oldu
Telefon danışığında İsveçin NATO-ya üzvlük məsələsi müzakirə olunub
![Türkiyə prezidenti ilə İsveçin baş naziri arasında telefon danışığı oldu](http://cdn.trt.net.tr/images/xlarge/rectangle/ecbd/9b6f/0b10/57d8e936d73f4.jpg?time=1718807591)
Türkiyə prezidenti Rəcəb Tayyib Ərdoğan ilə İsveçin Baş naziri Maqdalena Andersson arasında telefon danışığı olub. Bu barədə Türkiyə Prezident Administrasiyası İctimaiyyətlə Əlaqələr Şöbəsi məlumat yayıb. Bildirilib ki, telefon danışığında İsveçin NATO-ya üzvlük məsələsi müzakirə olunub.
R.T. Ərdoğan danışıq zamanı İsveçin terrorla mücadilədə Türkiyə üçün əhəmiyyət kəsb edən məsələlərdə qətiyyətli addım atmasının gərək olduğu barədə fikirlərini təkrarlayıb.
İsveçin PKK/PYD/YPG terror təşkilatlarına qarşı təsirli mövqe sərgiləməsinin vacibliyini bildirən Türkiyə prezidenti bu nöqtədə İsveçin Türkiyənin narahatlığını aradan qaldıracaq bir addım atmadığını ifadə edib.
Silah embarqosunun, müdafiə sənayesi sektoruna qoyulan hüquqi və faktiki məhdudiyyətlərin aradan qaldırılmasını, habelə ekstradisiya və deportasiya tələblərinin yerinə yetirilməsini gözlədiklərini vurğulayan Rəcəb Tayyib Ərdoğan bütün bu məsələlərə aid konkret və qəti öhdəlikləri birlikdə görmək istədiklərini qeyd edib.
Әlaqәli Xәbәrlәr
![Türkiyə prezidenti ilə Ermənistan Baş naziri arasında telefon danışığı oldu](http://cdn.trt.net.tr/images/medium/rectangle/17dc/85c7/62ef/667274aa8f555.jpg?time=1718807592)
Türkiyə prezidenti ilə Ermənistan Baş naziri arasında telefon danışığı oldu
Türkiyə Prezident Administrasiyası İctimaiyyətlə Əlaqələr Departamentinin məlumatına görə ...
![Türkiyə Azərbaycanın gələcəyinə təmiz nəfəsi artırır](http://cdn.trt.net.tr/images/medium/rectangle/6e67/9b77/98a9/66716af7bff4b.jpg?time=1718807592)
Türkiyə Azərbaycanın gələcəyinə təmiz nəfəsi artırır
Göndərilən tinglər Qarabağ və paytaxt Bakıda torpağa qovuşacaq