Mövlud Çavuşoğlu Kosovoda bir sıra görüşlər keçirib

Xarici işlər naziri Mövlud Çavuşoğlu Kosovodakı görüşləri çərçivəsində Prezident Vyosa Osmani və Baş nazir Albin Kurti tərəfindən ayrı-ayrılıqda qəbul edilib.

Kosovo Prezident Aparatının məlumatına görə, Osmani və Çavuşoğlu arasında iki ölkə arasında mükəmməl səviyyədəki əlaqələri təsdiqləyən mühüm görüş olub.

Görüş zamanı xarici siyasət, müdafiə, ticarət və digər sahələrdə ikitərəfli əməkdaşlıq, o cümlədən regionda və Avropada mövcud proseslər müzakirə olunub.

Osmani görüşdə bildirib ki, Qərbi Balkanların Avro-Atlantik strukturlara inteqrasiyası Rusiyanın bölgədəki təsirinə və sabitliyi pozan tendensiyaya mane olur.

Osmani Kosovonun və bölgənin Avro-Atlantik strukturlara üzvlüyünün bir zərurət olduğuna diqqət çəkib.

"Prezident (Rəcəb Tayyib) Ərdoğanın Kosovonun NATO və digər beynəlxalq qurumlara üzvlüyünə verdiyi açıq dəstəyi çox yüksək qiymətləndirirəm. Kosovonun Avropa Şurasına namizədliyi üçün Türkiyənin də belə dəstəyə ehtiyacı var", -deyə Osmani bildirib.

Kosovo ilə Türkiyə arasındakı münasibətləri stratejik olaraq qiymətləndirən Osmani Türkiyənin ölkəsinin NATO-dakı əsas tərəfdaşlarından biri olduğunu, Kosovodakı türk icmasının və Türkiyədəki böyük alban diasporunun iki ölkə arasında möhkəm körpü rolunu oynadığını vurğulayıb.

Osmani əlavə edib ki, iki ölkə arasında əlaqələr xüsusilə investisiya və Kosovonun Türkiyəyə ixracı sahələrində dərinləşmə potensialına malikdir.

Baş nazir Kurti ilə də görüşən Çavuşoğlu sosial media hesabından paylaşım edib.

Çavuşoğlu "Kosovo Baş naziri Kurti ilə əməkdaşlığımızın yaxşılaşdırılması imkanlarını müzakirə etdik. Fətullahçı Terror Təşkilatı FETÖ-nün mövcudluğunun Kosovoya yaratdığı təhlükəni vurğuladıq" deyib.

Nazir Çavuşoğlu Kosovodakı təmasları çərçivəsində Kosovonun Ətraf Mühit, Məkan Planlaması və İnfrastruktur naziri Liburn Aliu ilə Mülki Aviasiya Anlaşma Memorandumu imzalayıb.