“Zeytun budağı”nda bir Türkiyə əsgəri şəhid oldu

  Suriyada “Zeytun budağı” əməliyyatı bölgəsində terrorçuların raket hücumu nəticəsində bir Türkiyə əsgəri şəhid olub.

  Hücumdan sonra müəyyən edilmiş terror hədəfləri atəşə tutulub və ilkin məlumata görə, separatçı terror təşkilatı PKK/YPG-nin 24 üzvü zərərsizləşdirilib.

  Türkiyə Milli Müdafiə Nazirliyindən verilən açıqlamada bildirilir: “Suriyada “Zeytun budağı” əməliyyatı bölgəsində terrorçuların həyata keçirdiyi raket hücumunda bir əsgər ağır yaralanıb və aparıldığı xəstəxanada edilən bütün cəhdlərə baxmayaraq şəhid olub”.