İraq və Suriyanın şimalında əməliyyat həyata keçirilib
Türk silahlı qüvvələri İraq və Suriyanın şimalında terrorçuların baza kimi istifadə etdiyi Derik, Sincar və Karacak ərazilərində “Qış Qartalı” hava əməliyyatı həyata keçirib.
![İraq və Suriyanın şimalında əməliyyat həyata keçirilib](http://cdn.trt.net.tr/images/xlarge/rectangle/7ad0/15d5/8f89/61fa1e9ff2eab.jpg?time=1718815223)
Milli Müdafiə Nazirliyindən verilən açıqlamada “Qış Qartalı” hava əməliyyatının PKK/KCK/YPG və digər terror ünsürlərinin zərərsizləşdirilməsi, İraq və Suriyanın şimalından xalqa və təhlükəsizlik qüvvələrinə qarşı həyata keçirilən terror hücumlarının qarşısının alınması, sərhəd təhlükəsizliyinin bərpası məqsədi ilə həyata keçirildiyi bildirilib.Nazirliyin şərhində həmçinin qeyd edilib ki “Qış Qartalı əməliyyatında ölkəmizi, millətimizi və sərhəd təhlükəsizliyimizi təhdid edən terrorçulara məxsus sığınacaqlar, bunkerlər, mağaralar, tunellər, sursat anbarları və sözdə qərargah və təlim düşərgələri hədəfə alınıb. Əməliyyatın planlaşdırılması və icrasında mülki əhalinin həyat və əmlakının təhlükəsizliyi, ətraf mühitin mühafizəsi üçün maksimum həssaslıq nümayiş etdirilib. Əsasən yerli və milli sursatların istifadə olunduğu əməliyyatdan sonra bütün təyyarələrimiz sağ-salamat öz bazalarına qayıdıb. Soylu millətimizin qoynundan çıxan Türkiyə Silahlı Qüvvələri son terrorçu zərərsizləşdirilənə qədər terrora qarşı mübarizəni qətiyyət və əzmlə davam etdirəcək”- nazirliyin açıqlamasında bildirilib.
Әlaqәli Xәbәrlәr
![Türkiyə prezidenti ilə Ermənistan Baş naziri arasında telefon danışığı oldu](http://cdn.trt.net.tr/images/medium/rectangle/17dc/85c7/62ef/667274aa8f555.jpg?time=1718815224)
Türkiyə prezidenti ilə Ermənistan Baş naziri arasında telefon danışığı oldu
Türkiyə Prezident Administrasiyası İctimaiyyətlə Əlaqələr Departamentinin məlumatına görə ...
![Türkiyə Azərbaycanın gələcəyinə təmiz nəfəsi artırır](http://cdn.trt.net.tr/images/medium/rectangle/6e67/9b77/98a9/66716af7bff4b.jpg?time=1718815224)
Türkiyə Azərbaycanın gələcəyinə təmiz nəfəsi artırır
Göndərilən tinglər Qarabağ və paytaxt Bakıda torpağa qovuşacaq