Türkiyə Əfqanıstanda məscidə təşkil edilən hücumu lənətləyib
Türkiyə Əfqanıstanın Qəndəhar əyalətində bir məscidə cümə namazı zamanı təşkil edilən terror aktını qınayıb.
Xarici İşlər Nazirliyindən yayılan açıqlamada: “Bu gün (15 oktyabr) Əfqanıstanın Qəndəhar əyalətində cümə namazı zamanı məscidə təşkil edilən hücum nəticəsində çox sayda insanın həyatını itirdiyi və yaralandığı xəbərini böyük kədər hissi ilə qarşıladıq. Son dövrdə Əfqanıstanda məscidləri hədəfə götürən bu qeyri -insani və alçaq terror hücumlarını şiddətlə qınayır, həyatını itirənlərin ailələrinə, dost və qardaş əfqan xalqına başsağlığı veririk. Yaralılara təcili şəfa diləyik
Xatırladaq ki, bu gün cümə namazı zamanı Taliban qüvvələrinin qalası olaraq bilinən cənubi Qəndəhar əyalətində şiə camaatına məxsus olan Fatimiyyə məscidinə iki kamikadze tərəfindən təşkil edilən hücum nəticəsində 30 nəfər ölüb, 200 -dən çox adam yaralanıb.
Әlaqәli Xәbәrlәr
Türkiyə Azərbaycanın gələcəyinə təmiz nəfəsi artırır
Göndərilən tinglər Qarabağ və paytaxt Bakıda torpağa qovuşacaq
“Türkiyə gələcək nəsillərə ekoloji cəhətdən təmiz ölkə ötürmək üçün çalışır”, R.T.Ərdoğan
“Ətraf mühitin qorunması üçün qəti addımlar davam etdiriləcək”, - deyə Ərdoğan əmin edib