Türkiyə İsraili qınayıb

Xarici İşlər Nazirliyi İsrailin qərarını qınayan bəyanat yayıb.

Bəyanatda deyilir:

"İsraildə bir məhkəmənin yəhudilərin Məscidül-Əqsada "səssizcə" namaz qılmaq hüququna malik olduğunu iddia etdiyi qərarı şiddətlə qınayırıq. Sözügedən qərarın Məscidül-Əqsadakı status-kvonu pozmağa və yeni gərginliyə səbəb olan fanatik dairələri daha da təşviq edəcəyi narahatlıq doğuran bir ehtimaldır".

Nazirliyin açıqlamasında beynəlxalq ictimaiyyətə çağırış edilərək, “Beynəlxalq ictimaiyyəti bu yanlış, qanunsuz və təhlükəli qərara və Məscidül-Əqsaya qarşı bütün təxribatlara şiddətlə qarşı çıxmağa çağırırıq" deyilib.