Türkiyə Nigeriyaya başsağlığı verib

Türkiyə Nigeriyanın Borno əyalətində baş verən və 12 əsgərin ölümünə səbəb olan terror aktı ilə əlaqədar başsağlığı mesajı yayıb.

Xarici İşlər Nazirliyinin açıqlamasında "16 sentyabr 2021-ci ildə Nigeriyanın şimal-şərqindəki Borno əyalətində baş verən terror aktında 12 əsgərin həyatını itirdiyi dərin kədərlə öyrənildi. Bu mənfur terror aktını şiddətlə qınayırıq. Hücumda həyatını itirən əsgərlərin ailələri ilə dost və qardaş Nigeriya xalqı və hökumətinə səmimi qəlbən başsağlığı veririk" ifadələri yer alıb.