Ömər Çelik Co Baydenin açıqlamasına sərt reaksiya verib

"Soyqırım sözünün millətimiz üçün, dövlətimiz üçün, tariximiz üçün istifadə edilməsini əsla qəbul etmirik, istifadə edənləri şiddətlə qınadığımızı ifadə edirik. Bu, hər zaman təlqin edəcəyimiz bir yanaşmadır. Məsuliyyətsiz bir yanaşmadır , hüquqi əsası və tarixi əsası yoxdur".
Bunu Ədalət və İnkişaf Partiyasının (AK) sözçüsü Ömər Çelik Partiyanın İdarə Heyətinin iclasından sonra keçirdiyi mətbuat konfransında Amerika Birləşmiş Ştatları (ABŞ)Prezidenti Co Baydenin 1915-ci il hadisələrini "soyqırımı" kimi adlandırması ilə əlaqədar verdiyi açıqlamada deyib.

Ömər Çelik 1915 hadisələri ilə əlaqədar olaraq ABŞ-da həm Demokrat Partiya, həm də ABŞ-dakı Respublikaçılar cəhətdən davam etdirilən ənənəvi siyasətdən ilk dəfə bir ölkə prezidentinin imtina etdiyini söyləyib.

Tarixi məlumatlarla da, hüquqi əsaslarla əlaqəli olmayan bir vəziyyətlə qarşılaşdığımızı bildirən Çelik bu siyasətlərin diasporadakı erməni fanatik maraq qruplarının tamamilə girovuna çevrildiyini ifadə edib. 

Bu qrupların Ermənistanın və bir çox dövlətdəki siyasəti də girov saxladığını söyləyən Çelik ABŞ prezidentinin belə fanatik bir qrupa təslim olduğunu ilk dəfə gördüklərini vurğulayıb. 

Siyasətin və diplomatiyanın tarixi mühakimə sahəsi olmadığını vurğulayan Çelik "Tarixi bir yükə çevirmək heç bir səy, heç bir səy tələb etməyən son dərəcə sadə bir hadisədir. Təəssüf ki, burada siyasət və diplomatiyanın mövcudluq səbəbini də tərk edən son dərəcə dar bir perspektivlə qarşılaşdığımızı görürük" deyib.

Türkiyənin bu mövzuda həssas olduğunu və Birləşmiş Millətlər Təşkilatının 1950-ci ildən bəri Soyqırımı Cinayətinin qarşısının alınması və Cəzalandırılması Konvensiyasının tərəfdarı olduğunu vurğulayan Çelik 1915-ci il hadisələrində soyqırım olaraq adlandırılacaq bir məzmununun və nəticənin olmadığının dəqiq və açıq şəkildə ortaya qoyulduğunu dilə gətirib.