Türkiyə səhiyyə naziri peyvəndlə bağlı məlumat verdi

  Türkiyədə yeni növ koronavirus (Kovid-19) əleyhinə mübarizə çərçivəsində bu günədək 20 milyona yaxın doza peyvənd vurulub. Ölkənin səhiyyə naziri Fəxrəddin Koca sosial media hesabı "twitter"dən bu barədə açıqlama verərək yazıb: "Türkiyədə vaksinasiya davam edir. Epidemiya əleyhinə mübarizə çərçivəsində ölkəmizdə bu günədək 20 milyon dozaya yaxın peyvənd vurulub. İlk mərhələdə yaşlılarımızı və xroniki xəstəlikləri olan vətəndaşlarımızı qorumağa çalışdıq. Peyvənd proqramımız bütün çətinliklərə baxmayaraq, sürətlə davam edir".