“Novruzun yaşıllaşdırdığı ümid və həyəcanla daha etibarlı gələcəyə doğru”, R.T.Ərdoğan
Türkiyə prezidenti 21 Mart Beynəlxalq Novruz Günü münasibətilə təbrik etdi
Türkiyə prezidenti Rəcəb Tayyib Ərdoğan Novruzun yaşıllaşdırdığı ümid və həyəcanla daha firavan, ədalətli və etibarlı bir gələcəyi qurmağı davam etdirəcəklərini söylədi.
Türkiyə Prezident Aparatı Mətbuat Xidməti (Cumhurbaşkanlığı İletişim Başkanlığı) Ərdoğanın 21 Mart Beynəlxalq Novruz Günü münasibətilə təbrikini paylaşıb.
Türkiyə prezidenti baharın müjdəçisi, sülh və qardaşlığın simvolu olan Novruz bayramı münasibətilə təbrikində bildirib: "Orta Asiyadan Anadolu və Balkanlara qədər geniş bir coğrafiyada minlərlə ildir coşquyla qeyd olunan Novruzun aşıladığı birlik və həmrəylik duyğusunun bütün dünyada əbədi kök salmasını arzulayıram.
Novruzun yaşıllaşdırdığı ümid və həyəcanla həm ölkəmiz, həm bölgəmiz, həm də bütün bəşəriyyət üçün daha firavan, daha ədalətli və daha etibarlı bir gələcəyi qadınıyla, kişisiylə, gənciylə, yaşlısıyla çiyin-çiyinə verərək ilmə-ilmə hörməyi davam etdirəcəyik.
Novruzun əziz millətimizə və bütün insanlara sağlıq, bərəkət və muştuluqlar gətirməsini diləyir, vətəndaşlarımızı ürəkdən və səmimi duyğularımla salamlayıram."
Әlaqәli Xәbәrlәr
Türkiyə prezidenti ilə Ermənistan Baş naziri arasında telefon danışığı oldu
Türkiyə Prezident Administrasiyası İctimaiyyətlə Əlaqələr Departamentinin məlumatına görə ...
Türkiyə Azərbaycanın gələcəyinə təmiz nəfəsi artırır
Göndərilən tinglər Qarabağ və paytaxt Bakıda torpağa qovuşacaq