Prezident Rəcəb Tayyib Ərdoğan Saad əl-Həririni qəbul edib
Prezident Rəcəb Tayyib Ərdoğan Livanda hökuməti qurmaq tapşırığı alan Saad əl-Həriri ilə görüşüb.
Prezident Rəcəb Tayyib Ərdoğan Livanda hökuməti qurmaq tapşırığı alan Saad əl-Həriri ilə görüşüb.
Prezident Aparatı Mətbuat Xidmətinin yaydığı məlumata görə, görüş İstanbulda yerləşən Vəhdəddin iqamətgahında baş tutub.
Təkbətək keçirilən görüşdə siyasi, iqtisadi, ticari və mədəni sahələrdə Türkiyə-Livan əlaqələri müzakirə olunub, regional məsələlərlə bağlı əməkdaşlıq imkanları nəzərdən keçirilib.
Prezident Ərdoğan görüşdə köklü tarixi keçmişə söykənən iki ölkə əlaqələrini hər sahədə genişləndirmək mövzusunda qətiyyətli olduqlarını söyləyib.
Livanın siyasi sabitliyinin livanlılarla yanaşı bölgə sülhü və dincliyi üçün kritik əhəmiyyətinin olduğunu vurğulayan dövlət başçısı Türkiyənin dostu və qardaş Livan xalqının birliyi və dinciliyi istiqamətində bu ölkəyə dəstək verməyə davam edəcəyini qeyd edib.
Saad əl-Həriri də Türkiyənin Livana dəstəkləri və sərmayə qoyuluşları üçün Ərdoğana təşəkkür edib.
Әlaqәli Xәbәrlәr
Türkiyə Azərbaycanın gələcəyinə təmiz nəfəsi artırır
Göndərilən tinglər Qarabağ və paytaxt Bakıda torpağa qovuşacaq
“Türkiyə gələcək nəsillərə ekoloji cəhətdən təmiz ölkə ötürmək üçün çalışır”, R.T.Ərdoğan
“Ətraf mühitin qorunması üçün qəti addımlar davam etdiriləcək”, - deyə Ərdoğan əmin edib