Ərdoğan və Merkel Türkiyə-Aİ münasibətlərini müzakirə ediblər

Prezidenti Rəcəb Tayyib Ərdoğan və Almaniya Kansleri Angela Merkel arasında videokonfrans formatında görüş baş tutub.

Görüşdə iki ölkə arasındakı əlaqələri inkişaf etdirəcək məsələlər və yeni dövrdə Türkiyə-Avropa İttifaqı ölkələri arasındakı əlaqələr müzakirə olunub.

Görüş əsnasında Türkiyənin Avropa İttifaqı ölkələri ilə əməkdaşlıqda yeni bir səhifə açmaq niyyətində olduğunu bildirən Prezident Ərdoğan bu istiqamətdə nümayiş etdirdiyi konstruktiv töhfə və səyləri üçün Angela Merkelə təşəkkürünü bildirib.

Avropa İttifaqı ölkələrinin liderlərinin son Sammitində bəzi liderlərin gündəmdəki məsələlərə istinad edərək müsbət rəy bildirmələrinə xüsusi əhəmiyyət verdiyini deyən Prezident Ərdoğan digər tərəfdən Türkiyə-Aİ münasibətlərində böhran yaratmağa çalışanların qarşılıqlı fayda verəcək müsbət gündəm məsələləri üçün açılan bu fürsət pəncərəsinə zərər verəcəyini dilə gətirib.

Ölkəsinin Yunanıstanla tədqiqatlar istiqamətində danışıqları yenidən başlamağa hazır olduğunu ifadə etməsinə baxmayaraq, Yunanıstanın yeni bəhanələrlə bu danışıqlardan imtina etdiyini bildirən dövlət başçısı Türkiyənin Şərqi Aralıq dənizi mövzusunda da xoşməramlı və konstruktiv münasibət göstərməyə davam etdiyini vurğulayıb..

Türkiyə-Aİ əlaqələrinin son iki ildir bəzi üzvlərin dargörüşlü mənafelərinə həbs edilməsi ilə vaxt itkisi yaşadığına işarə edən Rəcəb Tayyib Ərdoğan son Aİ Sammiti qərarında daha sərt bir şəkildə bəhs edilən müsbət gündəliyin açarının 18 Mart Konsensusunun yenilənməsi olduğunu bildirib.

Prezident Ərdoğan Almaniya Kansleri Merkelə yaxınlaşan Milad bayramı və yeni il münasibətilə təbriklərini də çatdırıb.