Türkiyə suriyalılara humanitar yardımlarını davam etdirir

Türkiyə Suriyada "Sülh çeşməsi"  əməliyyatının həyata keçirildiyi bölgədəki mülki vətəndaşlara humanitar yardımlarla dəstəyini davam etdirir.

Milli Müdafiə Nazirliyi "Twitter" hesabından etdiyi paylaşımda Türkiyənin suriyalılara humanitar yardımlarının davam etdiyini bildirib.

Türkiyə əsgərlərinin bölgə xalqına çatdırdığı humanitar yardımlara dair şəkillərin də yer aldığı paylaşımda "Qəhrəman əsgərlərimizin (Oktyabr-noyabr 2019-cu ildə) terrordan təmizlədiyi və terrorçuların təzyiq və zülmündən xilas edilən "Sülh çeşməsi" bölgəsində humanitar yardım materialları ehtiyacı olanlara çatdırılır" ifadəsi yer alıb.