Türkiyə və Çad prezidentləri telefonla danışıb

Prezident Rəcəb Tayyib Ərdoğan və  Çad Prezidenti İdriss Deby İtno arasında telefon danışığı olub.
Prezident Aparatı Mətbuat Xidmətinin məlumatına görə, telefon danığışında Türkiyə-Çad münasibətlərinin yaxşılaşdırılması ətrafında fikir mübadiləsi aparılıb.
Söhbət zamanı Prezident Ərdoğan Çad ilə hər sahədə əməkdaşlığı gücləndirmək istədiklərini və ticarət və iqtisadi əlaqələrin inkişafına böyük əhəmiyyət verdiklərini söyləyib.
Telefon söhbətində həmçinin İslam Əməkdaşlıq Təşkilatı Baş Katibliyinə keçiriləcək seçkilərlə bağlı fikir mübadiləsi də aparılıb.