Mövlud Çavuşoğlu Bakıda mәtbuat konfransı tәşkil edib
Mövlud Çavuşoğlu Azərbaycanın paytaxtı Bakıda mətbuat konfransı keçirib.
![Mövlud Çavuşoğlu Bakıda mәtbuat konfransı tәşkil edib](http://cdn.trt.net.tr/images/xlarge/rectangle/5cd4/9a9b/0961/5face65fddbd3.jpg?time=1718842479)
Türkiyәnin xarici işlәr naziri Mövlud Çavuşoğlu Dağlıq Qarabağda Azәrbaycanla Ermәnistan arasında әldә olunan atәşkәslә bağlı deyib: ‘‘Atәşkәs razılaşmasında Ermәnistanın Baş nazirinin imzası var. Atәşkәsi yenә pozsalar cavabını verәrlәr’’.
Bu barәdә Mövlud Çavuşoğlu Azәrbaycanın paytaxtı Bakıda keçirdiyi mәtbuat konfransında bildirib.
Çavuşoğlu deyib: ‘‘Qәhraman Azәrbaycan ordusu, qardaş Azәrbaycan xalqını vә Prezident İlham Әliyevi tәbrik edirәm.Bu zәfәrdәn sonra Azәrbaycan-Rusiya-Ermәnistan arasında atәşkәsә dair müqavilә imzalandı. Hәr dәfә hücum edәn, atәşkәsi pozan Ermәnistan idi. Azәrbaycan problemin diplomatik yollarla hәll edilmәsinin tәrәfdarı olduğunu hәr zaman göstәrdi’’.
Mövlud Çavuşoğlu çıxışında Fransanın Ermәnistanı dәstәklәyәrәk sülhlә bağlı göstәrilәn sәylәrә zәrbә vurduğunu ifadә edib.
Nazir Çavuşoğlu Türkiyәnin Rusiya ilә birgә monitorinq mәrkәzi qurması ilә bağlı mәsәlәyә toxunaraq deyib: ‘‘Sәnәd Türkiyәnin milli müdafiә naziri Hulusi Akar vә Rusiyanın müdafiә naziri Sergey Şoyqu arasında imzalanıb. Rusiyanın müqavilәdәki roluna әhәmiyyәt veririk. Rusiyadan sabah gәlәcәk nümayәndә heyәtlәri ilә mәsәlәni әtraflı şәkildә müzakirә edәcәyik.
Әlaqәli Xәbәrlәr
![Türkiyə prezidenti ilə Ermənistan Baş naziri arasında telefon danışığı oldu](http://cdn.trt.net.tr/images/medium/rectangle/17dc/85c7/62ef/667274aa8f555.jpg?time=1718842479)
Türkiyə prezidenti ilə Ermənistan Baş naziri arasında telefon danışığı oldu
Türkiyə Prezident Administrasiyası İctimaiyyətlə Əlaqələr Departamentinin məlumatına görə ...
![Türkiyə Azərbaycanın gələcəyinə təmiz nəfəsi artırır](http://cdn.trt.net.tr/images/medium/rectangle/6e67/9b77/98a9/66716af7bff4b.jpg?time=1718842479)
Türkiyə Azərbaycanın gələcəyinə təmiz nəfəsi artırır
Göndərilən tinglər Qarabağ və paytaxt Bakıda torpağa qovuşacaq