"Əgər anbar olmasaydı, Beyrutda partlayış daha böyük və daha dəhşətli olardı"
Livan Ordusu Əməliyyat Palatası komandiri Can Nehra təşkil edilən mətbuat konfransında deyib
Livanın paytaxtı Beyrutda 4 avqustda baş verən partlayışdan sonra Türkiyədən gedən qrupun Beyrut limanında xilasetmə işləri davam edir.
Livan Ordusu Əməliyyat Palatası komandiri Can Nehra təşkil edilən mətbuat konfransında deyib: “Türkiyədən gələn xilasetmə qrupu Beyrut limanında partlayışın mərkəzinə ən yaxın bölgədə qurtarma əməliyyatı aparır.
Vətəndaşları müdafiə qruplarının da itkin düşən insanları axtarma-arama işləri davam edir.
Limanın cənub hissəsindəki buğda anbarları partlayışın təsiriylə böyük nisbətdə məhv olub. Amma əgər burada anbar olmasaydı, partlayış Beyrutda daha böyük və daha dəhşətli olardı."
Qeyd edək ki, Beyrut limanında 4 avqustda partlayıcı maddələrin olduğu 12 nömrəli anbarda əvvəl yanğın çıxıb, sonra bütün şəhəri sarsıdan güclü partlayış baş verib. Hadisə zamanı həyatını itirənlərin sayı 160, yaralılar isə 6 minə yüksəlib.
Әlaqәli Xәbәrlәr
Türkiyə Azərbaycanın gələcəyinə təmiz nəfəsi artırır
Göndərilən tinglər Qarabağ və paytaxt Bakıda torpağa qovuşacaq
“Türkiyə gələcək nəsillərə ekoloji cəhətdən təmiz ölkə ötürmək üçün çalışır”, R.T.Ərdoğan
“Ətraf mühitin qorunması üçün qəti addımlar davam etdiriləcək”, - deyə Ərdoğan əmin edib
