Türkiyә prezidenti gündәmdәki aktual mәsәlәlәri qiymәtlәndirib

Türkiyә prezidenti Rәcәb Tayyib Әrdoğan Beyrutun liman bölgәsindә avqustun 4-dә 154 nәfәrin hәlak olmasına 5 mindәn çox adamın yaralanmasına sәbәb olan partlayışla sarsılan qardaş Livanı tәk qoymayacaqlarını söylәyib.

Prezident Rәcәb Tayyib Әrdoğan Ayasofya-i Kebir mәscidindә cümә namazı qıldıqdan sonra gündәmdәki aktual mәsәlәlәri qiymәtlәndirib.

Beyrutdakı proseslәri yaxından izlәdiklәrini bildirәn Rәcәb Tayyib Әrdoğan deyib ki, hәrbi tәyyarәmiz ilә Beyruta müxtәlif yardım göndәrdik. Hәr imkanımızla Livan vә Livan xalqının  yanında olacağıq. Beyrut limanı bölgә üçün çox әhәmiyyәtli limandır. Limanın belә bir çәtinliklә üzlәşmәsi bölgәdә ciddi problemin yaşanmasına sәbәb olub. Biz maddi vә mәnәvi cәhәtdәn Livanın yanında olacağıq.

Yunanıstan ilә Misir arasında imzalanan müqavilәni qiymәtlәndirәn Türkiyә prezidenti deyib ki bu müqavilә bizim üçün heç bir әhәmiyyәtә malik deyil.

Әrdoğan  hәmçinin Liviya ilә әldә etdiklәri müqavilәni qәtiyyәtlә davam etdiklәrini  vә davam etdirәcәklәrini ifadә edib.