"Türkiyə Azərbaycanı tək buraxmayacaq", R.T.Ərdoğan

  Türkiyə prezidenti Rəcəb Tayyib Ərdoğan Türkiyənin Azərbaycanı tək buraxmayacaqlarını söylədi.

  İstanbulda etdiyi çıxışında son günlər Ermənistanın Azərbaycana hücumlarına münasibət bildirən R.T.Ərdoğan deyib: “Qardaş Azərbaycanı qəti şəkildə tək buraxmarıq. Dağlıq Qarabağ işğal altındadır. Minsk üçlüyü təxminən 25-30 ildir bu işi masada qoyub."

  Türkiyə prezidenti Ayasofyanın ibadətə açılmasına da toxunub: "Xaricdən gələn reaksiyaların heç biri bizi maraqlandırmır. Ayasofya bizim daxili məsələmizdir. Heç kim bura hər hansı müdaxilə edə bilməz."

  Liviya mövzusu ilə bağlı isə Rəcəb Tayyib Ərdoğan bunları söyləyib: "Bu zamana qədər Liviyada hansı məsuliyyəti üzərimizə götürdüksə, bundan sonra da eyni şəkildə davam edəcəyik. Liviyalı qardaşlarımızı tək buraxmayacağıq. Bizim Liviya ilə olan əlaqələrimiz 500 ili keçən əlaqələrdir."