Suriyadakı türk səgərlərinə atəş açan terrorçular susduruldu

  Suriyada “Sülh çeşməsi” bölgəsinə girməyə cəhd edən və atəş açan separatçı terror təşkilatı PKK/YPG-nin 12 üzvü zərərsizləşdirildi.

  Türkiyə Milli Müdafiə Nazirliyinin verdiyi açıqlamaya görə, “Sülh çeşməsi” bölgəsindəki Tel-Abyad yaşayış məntəqəsinin cənub-qərbindəki Türkiyə Silahlı Qüvvələri əsgərlərinə təcavüz atəşi açılıb. Bununla yanaşı digər istiqamətdən əraziyə sızma cəhdləri olub.

  Bölgədə quraşdırılmış kəşfiyyat və nəzarət məntəqələri vasitəsilə müəyyən olunan PKK/YPG terrorçularının mümkün qaçış yolları qanuni müdafiə çərçivəsində yüngül silahlarla atəşə tutulub. Terrorçular zərərsizləşdirilib. Türkiyə Silahlı Qüvvələrində itki yoxdur.

  Bölgədə sülh və əmin-amanlığın sürməsi üçün kəşfiyyat, nəzarət və humanitar yardım fəaliyyətləri davam edir.

  Qeyd edək ki, Türkiyə Silahlı Qüvvələri tərəfindən ölkənin daxili və xaricində son bir ayda terror təşkilatı YPG/PKK-nın 122 üzvü və sözdə “məsul şəxs” zərərsizləşdirilib.