PKK mənsubu 3 terrorçu zərərsizləşdirilib

Türkiyənin təhlükəsizlik qüvvələri tərəfindən Bitlis şəhərinin çölündə həyata keçirilən və havadan dəstəklənən əməliyyatda terror təşkilatı PKK mənsubu 3 terrorçu zərərsizləşdirilib.

Daxili İşlər Nazirliyinin açıqlamasına görə, daxili təhlükəsizlik əməliyyatları çərçivəsində Bitlis çölündə Vilayət Jandarm Komandanlığının xüsusi təyinatlı bölmələri tərəfindən keçirilən və havadan dəstəklənən əməliyyatda, terror aktı törətmək üçün hazırlaşan üç terrorçu zərərsizləşdirilib.

Açıqlamada bölgədəki əməliyyatların davam etdiyi bildirilib.