Ərdoğanla Merkel arasında telefon danışığı olub

Prezidenti Rəcəb Tayyib Ərdoğanla Almaniya kansleri Angela Merkel arasında telefon danışığı olub.

Prezident Aparatının İctimaiyyətlə əlaqələr idarəsinin məlumatına görə, Ərdoğan və Merkel regional məsələləri, xüsusən İdlibdə yaranmış vəziyyəti müzakirə ediblər.

Dövlət başçısı Ərdoğan ilə Almaniyanın hökumət rəhbərinin danışıqlarında həmçinin qaçqınlar problemi də diqqət mərkəzində olub. Ərdoğan miqrantların yükünün və məsuliyyətinin ədalətli şəkildə bölüşülməsilə bu mövzuda beynəlxalq məsuliyyətlərə əməl edilməsinin vacibliyini vurğulayıb.  

Ərdoğan Merkellə iki ölkə arasındakı əlaqələr barədə də danışıb.