Türkiyə epidemiya təhlükəsindən sonra İranla sərhədi bağlayıb

İranda yeni növ koronavirus səbəbindən ölüm hallarının qeydə alınması qarşısında adı çəkilən ölkə ilə sərhəd bağlandı. Beləliklə bu ölkə ilə qurudakı sərhəd-keçid məntəqələrindən iranlılar və digər xarici ölkə vətəndaşlarının Türkiyəyə girməsi qadağan edildi.

İran üzərindən hava yolu ilə birbaşa gələn xarici ölkə vətəndaşlarının isə hava limanı sərhəd qapılarından fevralın 23-dən etibarən yerli vaxtla saat 20:00-dan etibarən Türkiyəyə girmələrinə icazə verilmir.

Türkiyədən İrana getmək istəyən İran vətəndaşları ilə əlaqədar olaraq isə hər hansı məhdudiyyət yoxdur.