Mövlud Çavuşoğlu Yunanıstan, Latviya, Litva və Albaniya rəsmilərinə təşəkkür edib

Xarici işlər naziri Mövlud Çavuşoğlu İranda baş verən zəlzələnin təsirli olduğu Türkiyənin Van vilayətində həyatını itirənlərlə əlaqədar yaydıqları başsağlığı açıqlamalarına görə Yunanıstan, Latviya, Litva xarici işlər nazirləri və Albaniyanın xarici işlər naziri əvəzinə təşəkkür edib.

Yunanıstanın xarici işlər naziri Nikos Dendiasa, Latviyanın xarici işlər naziri Edgars Rinkevics, Litvanın xarici işlər naziri Linas Linkevicius, Albaniyanın Avropa və xarici işlər naziri əvəzi Gent Cakaj sosial media hesabı “twitter”  üzərindən İranın Xoy şəhərindəki zəlzələdən təsirlənən Vanda həyatını itirənlərin ailələrinə başsağlığı, yaralılara və yaxınlarına şəfa diləyən paylaşımlar etdilər.

Çavuşoğlunun da etiketləndiyi mesajlara nazir də yenə “twitter” üzərindən təşəkkür edib.

Qeyd edək ki, Türkiyə-İran sərhədində fevralın 23-də baş verən zəlzələ Van vilayətinin Başkale qəsəbəsində dağıntılara səbəb olub. Səhiyyə naziri Fəxrəddin Koca zəlzələ səbəbindən Vanda 9 nəfərin həyatını itirdiyi, 50 nəfərin isə yaralandığını açıqlayıb.