Süleyman Soylu qeyri-qanuni miqrantlarla bağlı açıqlama verdi
Süleyman Soylu müxtəlif media orqanlarının Ankaradakı nümayəndələri ilә görüşüb.
Türkiyәnin daxili işlər naziri Süleyman Soylu bu ilin iyul ayınadәk 177 min 654 qeyri-qanuni miqrantın saxlanıldığını bildirib.
Süleyman Soylu müxtəlif media orqanlarının Ankaradakı nümayəndələri ilә görüşüb.
"Güclü miqrasiya dalğası ilə üzlәşsәk dә, bunu idarə edә bilәcәk gücә malikik’’,-deyә Süleyman Soylu vurğulayıb.
Türkiyədə müvəqqəti qoruma statusuna malik 3 milyon 639 min 284 suriyalı miqrantın olduğuna diqqəti çəkən Soylu Türkiyәnin ümumilikdə qәbul etdiyi qaçqın sayının isә 5,7 milyon olduğunu bildirib.
Süleyman Soylu bildirib ki, Türkiyәdәki miqrantların tәxminәn 70 %-i Suriyada şərtlər normallaşanda ölkələrinə geri qayıdmaq istәyir.
Soylu hәmçinin qeyd edib ki, indiyәdәk uşaqlar da daxil olmaqla 92 min 280 suriyalıya vətəndaşlıq verilib.
Nizamsız miqrasiya ilә mübarizə apardıqlarına diqqəti çəkən Süleyman Soylu hәr gün tәxminәn 2 min miqrantın saxlanıldığını vurğulayıb.
Türkiyәnin daxili işlәr naziri qeyri-qanuni miqrantların Türkiyəni tranzit ölkә kimi istifadə etmәmәlәri üçün tәdbirlәr gördüklәrini bildirib.