Türkiyә Böyük Millәt Mәclisi Xocalı qətliamı ilә bağlı bәyanat yayıb
Türkiyə bәşәriyyәt tarixinә qara lәkә olan Xocalı qətliamının təkrarlanmaması üçün beynəlxalq ictimaiyyәtә çağırış edib.
Türkiyə bәşәriyyәt tarixinә qara lәkә olan Xocalı qətliamının təkrarlanmaması üçün beynəlxalq ictimaiyyәtә çağırış edib.
Türkiyə Böyük Millət Məclisinin Xarici Mәsәlәlәr üzrә Komissiyası Xocalı qətliamı ilә bağlı bәyanat yayıb.
Xocalı soyqırımının bәşәriyyәt tarixinә qara lәkә olduğu vurğulanan bәyanatda Birləşmiş Millətlər Təşkilatının Təhlükəsizlik Şurası, Avropa Təhlükəsizlik və Əməkdaşlıq Təşkilatı ilə İslam Əməkdaşlıq Təşkilatına bu faciәyә lazımi әhәmiyyәt vermәlәri vә lazımi reaksiya göstәrmәlәri ilә әlaqәdar çağırış edilib.
Bәyanatda Ermәnistan hәrbi birlәşmәlәrinin 1992-ci il fevralın 25-dәn 26-na keçәn gecә Dağlıq Qarabağın Xocalı şәhәrinә tәşkil etdiyi hücumu nәticәsindә 106-ı qadın, 63-ü uşaq vә 70-i dә qoca olmaqla 613 günahsız Azәrbaycan vәtәndaşının vәhşicәsinә qәtlә yetirildiyi, 76-ı uşaq olmaqla 487 nәfәrin yaralandığı, 1275 nәfәrin girov götürüldüyü bildirilib. Onlardan 150 nəfərin taleyi hələ də məlum deyil.
‘‘Türkiyә Ermәnistan hәrbi birlәşmәlәri tәrәfindәn hәyata keçirilәn bu qətliamı kәskin dillә qınayır. Qətliamı törәdәnlәrin beynәlxalq mәhkәmә qarşısında cavab vermәlәri ilә әlaqәdar çağırışımizi tәkrar edirik. Xocalı qətliamı nәticәsindә hәlak olan Azәrbaycanlı qardaşlarımızın xatirәsini hörmәtlә yad edirik, kәdәrli ailәlәrinә vә bütün Azәrbaycan xalqına dәrin hüznlә başsağlığı veririk’’,-deyә bәyanatda vurğulanıb.
Әlaqәli Xәbәrlәr
Türkiyə prezidenti ilə Ermənistan Baş naziri arasında telefon danışığı oldu
Türkiyə Prezident Administrasiyası İctimaiyyətlə Əlaqələr Departamentinin məlumatına görə ...
Türkiyə Azərbaycanın gələcəyinə təmiz nəfəsi artırır
Göndərilən tinglər Qarabağ və paytaxt Bakıda torpağa qovuşacaq